|
好似有好多朋友仔想睇多D我英國旅行既 blog, 所以今日就黎個part 2 介紹多 D我係倫敦玩左咩 😀 上集講到我去左倫敦既 Borough Market 飲草汁 (圖如下), 就係尼間舖頭喇! 飲完草汁發現原來個市集有好多新鮮水果、熟食，而且價錢又好合理，所以我地食左好多野 ! Traditional Pork and Herb + ice coffee = 約 HKD55 係 Borough Market 食到飽，我地就帶住 Oyster Card (類似香港既八達通) 一咭走天涯，搭住 Tube 周圍去玩，睇黎倫敦既交通都幾方便~ 話咁快就黎到 9¾月台，相信睇過英國奇幻小說《哈利波特》既朋友，絕對唔會對尼度陌生 !
位於倫敦英王十字車站既 Platform 9¾ at King's Cross Station 吸引超多人黎排隊影相，旁邊仲有哈利波特商店比fans們買過飽~
等我都打張咭先😛 打完咭就去探Big Ben, 果陣已經開始維修緊...... 電話亭都係另一個打咭點呀 途經London eyes, 發現旁邊有好多觀光河船 (River Cruise) ，輕輕鬆鬆環繞整個倫敦市睇風景，對於唔鍾意行太多路既朋友絕對係好選擇 ! 係 London eyes 旁邊有間好奇怪既博物館 《The London Dungeon 倫敦地窖》，星期六去到超多人排隊，見佢有 London eyes + The London Dungeon 既套票買 (約HKD600) ，一於膽粗粗體驗下.......😫😫😫
原來 《The London Dungeon 倫敦地窖》 就係以驚悚+英國黑歷史為主題既獵奇博物館! 入面仲有演員role play, 比旅客感受到中世紀時期倫敦歷史中黑暗淒慘既一面，真實體驗開膛手傑克、黑死病以及倫敦大火等經典場景.....另外因為入面黑媽媽唔比影相, 唯有搵左張門口既相比大家睇睇 🙄😥 地址：The Queen's Walk, Bishop's, London SE1 7PB,UK
睇完 The London Dungeon, 仲驚緊既時候就排隊上 London eyes 倫敦市既風景真係好靚 玩左一日，我地去左好出名既Burger & Lobster食晚餐 <--倫敦必吃美食😋😋😋
一個餐約需HKD200 ，味道唔錯，份量仲要岩岩好 ! 下集part 3 除左帶大家周圍玩之外，仲會講到我同一位女仔朋友去左一個位於北倫敦既地方玩，十幾年前尼度曾經係治安黑點，而且仲發現過浮屍tim﹗
由於果度既治安唔係太好，去到好多人望住我地，都有D驚驚地架! 想知多D就記住留意我個blog啦
再見~👄🙌 |
